لاچین

من سن سیز

بیرقافلانا اویقون قوردام

کولگمی آه ه ه ...

گویلرده ایزلیرم

من سن سیز

سنینله دولویام

محمدکریم زاده اصل 

سئويملي ديلداشلار

ياخين گله جكده اسماعيل بي لاچينين شعيرلري بو وبلاگدا بوراخيلاجاقلار.

 

بیر ایکی ده نه جیغارا جیبینده

   چاخماقسیز دولاناردی هر یئری

        ایی بیلمز بورنونون اوجودا

                   قیزاراردی سویوقدان

دیک – دیک دانیشیب

یاناکی باخاردی یاشیل گوزلری

       شعیرلننده اوره یی

"ناظیم "ی اوخویاردی "حکمت" دن یاخشی

"یا قاراباغ"دئییردی "اوزان عاریف" دن بتر

قالادا قالیر هله سسی

قایادا دینله نیر اونون نفسی

تام ایی

   ایگید

ایگیدلر اولمزلر دئمیشلر

بو تناقوضو دوشونره ک

        او اولدو.

 

----

شعیر: مسعود هارای

تانرینین آدیلا

بیر ایل بو آجیناجاقلی اولایدان گئچیر هئچیندن. ائله بیل دونن آخشام چاغی بئش یول بولومونده قرارلاشمیشدیق. بوتا درنه یینین مرکزی شوراسی حاقدا دانیشمالییدیق.

۸۴/۱۲/۱۱ جوما آخشامی اسماعیل بی کریم زاده نین ایل دونومو مناسبتیله بیر آغیرلاما مراسیمی عائله سی وریندن قورولاجاقدیر. تام اسماعیل بی کریم زاده نین سیرداشلار/یولداشلاریندان ایسته ییریق بو مراسیمده شیرکت ائله سینلر.

 روحو شاد

 

گنج ميلتچي و شاعير اسماعيل کريم زاده اوچون اورمو شهرينده بير آنما مراسيمي کئچيريلدي، بيليم يولو، سئوينج و بوتا درنکلري طرفيندن قورولان بو مراسيم اورمو شهري مهديه تالاريندا اورموميلتچي لري، شاعير، يازار و ادبياتچيلارينين ايشتراکي ايله کئچيريلدي. عليرضا قولونجونون آپاريجيليغی ايله کئچيريلن بو آنما تؤره­نينده حميد شافعي، اسماعيل اولکر، فرشيد فرشيد فر، مسعود هاراي، زينب حسين زاده، نرگس اعظميان، محمد صبحدل، خليل شيخلو، بولود مرادي،  فتح اله شيخلو، سنجيده، غني زاده و ... اؤز شعرلري و صؤحبتلري ايله چيخيش ائتديلر . رحمتلي اسماعيل کريم زاده­نين سئچيلميش شعرلريندن عيبارت اولان بير جوزوه مراسيمه قاتيلانلارين آراسيندا پايلاندي .

 

اسماعيل كريم زاده ۱۳۶۰- جي گونش ايلينين پـاييزيندا دونيـايا گؤز آچميش، ۱۳۸۳- جوسونـون قيشيندا دونياسيني ده­ييشميشدير. آرتيـق عؤمور سورمه­‌دن سانكي بير تاريـخ قدر ياشاميش، ياشاياجاقدير. اونون دنيز دولو كؤورك اينسان دويغولاري اورمو شهرينين دوشونجه محفيل لرينه، گؤزلرينين ياشيلليغي قدر آيدين دير. يانيميزدان كؤچن شاعيريميز، يولداشيميز، فيكيرداشيميز، شئعرلري ايله ياشاياسي، اؤزگون دونيـا گؤروشونو آنلاداسي اولوب، آرتيق دئمه يه گلمـزكي دوشونن ايييد اوچون اؤلوم آنلامسيـز بير يالاندير. يالنيز اونون عؤمور بويو توتدوغو يول اوچون قورولـدوغو آنمادا، حقيقي«اسماعيل»يميزي شعيرلرينين سطير- سطيريندن تانيياجاييق.

دئيه- دئيه:        سسيميز يانيندادير

                                    سسيميز سنينله­دير...

م. اورومچو ـ اورمو

40 گون اسماعیل بی کریمزاده نین آجیناجاقلی اولوموندن گئچدی آما من بو آنادک اینانابیلمه یه جیییمین زوروندا قالمیشام.